DEN HAAG, Hulanda – Maikel Moreno, presidente di e Tribunal Supremo de Justicia (TSJ) ta e magistrado cu mas sancion di diferente pais, mas di 42. Pero asina mes el a wordo ricibi diamars den e Corte Penal Internacional na Den Haag.
Moreno a participa den un simposio yama “e valor perdurable di e statuut di Roma pa humanidad”, caminda cu el a sigura cu e poder hudicial Venezolano ta “garantisa e respet pa derechonan humano di e pueblo Venezolano, como tambe di preserva e institucionalidad democratic di e nacion”.
Den e Corte Penal Internacional, Moreno a pidi pa un “husticia internacional imparcial”, a pesar di cu varios dirigente politico y abogadonan ta cuestiona e actuacion di e organo cu e ta representa.