WASHINGTON D.C., Merca- Departamento di Tesoro di Merca, diahuebs a vries e activonan Mericano di ocho miembro di Tribunal Supremo di Husticia y a prohibi ciudadanonan Mericano pa participa den cualkier transaccion financiero cu nan.
E agencia a bisa cu e huesnan tabata esunnan responsabel di e serie di sentencianan den e ultimo aña, den cual autoridad di e Asamblea Legislativo democraticamente eligi di Venezuela, a wordo usurpa.
“E pueblo Venezolano ta sufriendo di un economia cu a collapse, causa pa e mal adminsitracion y corupcion di su Gobierno”, segun e secretario di Tesoro, Steven Mnuchin.
“Miembronan di Tribunal Supremo di Justicio di e pais a haci e situacion hopi mas pio door di interferi constantemente den e autoridad di e Poder Legislativo”.
E congresista Republicano, Marco Rubio a bisa cu “e ta contento di sa cu e tema di derechonan humao ta un prioridad pa President Trump y su administracion y e respet pa e democracia na Venezuela”. El a sigura cu e sancionnan ta “manda un mensahe cla pa e pueblo Venezolano cu Merca ta firmemente para banda di nan”.
Rubio a bisa cu e ta spera cu Trump “impone mas sancion”.
Fuente: www.cnn.com