Diaranson e comerciante sospechoso busca pa autoridadnan Italiano, Francesco Corallo (Catania, Italia, 1960) a keda extradita pa Italia. El a bandona St Maarten acompaña pa miembronan di Interpol Italia riba un vuelo di Air France, cu coneccion pa Italia.
Asina vocero di ministerio publico Norman Serphos a confirma. Corallo ta wordo busca pa husticia Italiano pa sospechonan di fraude fiscal, labamento di placa y soborno y di ta miembro di un organisacion criminal (Cosa Nostra).
E peticion pa extradicion a bin for di Italia na 2016 pa minister di husticia italiano dia 30 di december 2016. Corte a aproba e extradicion na Juni y algun dia pasa gobernador a firma e extradicion.
Potretnan cortesia di Ministerio Publico di St. Maarten ta mustra Corallo bandonando St. Maarten diaranson atardi