GRONINGEN, Hulanda- Circa nuebe di dies docente den scolnan secundario ta preocupa pa e uzo di rednan social door di alumnonan. Algo mas di e mita di e maestronan ta di opinion cu prestacion na scol ta sufri bou di esaki.
Esaki segun un estudio (pdf) publica door di DUO Onderwijsonderzoek & Advies, pa cual a puntra 1.318.
Sigur 40 % die docentenan a indica di ta sumamente preocupa y 53% a indica di ta tiki preocupa pa e uzo di rednan social.
Casi tres cuarto di e docentenan ta pensa cu aplicacionnan manera Facebook, Snapchat y Whatsapp ta stroba e concentracion di e alumno. Hopi docente ta teme cu e rednan social ta zorg pa stress, poco descanso nocturno y presion social.
Tambe tin 62% di e docentenan ta di pensamento cu rednan social por tin consecuencianan positivo tambe. E ta bay mas pa e comunicación lihe, mas contacto social y miho acceso na informacion.
Uzo di smartphone
Casi mita di e docentenan cu a forma parti di e encuesta ta irita nan mes na e uzo constante di smartphone di e alumnonan, pero asina mes hopi ta e docentenan cu toch ta wak cu e uzo di smartphone den klas como algo positivo, y hopi ta haya cu toch e por fortifica enseñanza. Un 38 % di e maestronan ta haya cu e smartphone por wordo uza regularmente pa finnan educativo.
Casi tur maestro (98%) tin regla pa loke ta e uzo di celular den klas. Mayoria di biaha e alumnonan por uza nan celular solamente algun tarea specifico of esaki mester ta den tas continuamente. Un 18% di e docentenan ta pone nan alumnonan entrega nan telefon ora di drenta klas.
Fuente: https://www.nu.nl
Por lesa e resultado di e estudio aki:
http://www.duo-onderwijsonderzoek.nl/wp-content/uploads/2017/12/Rapportage-Sociale-mediagebruik-en-smartphones-in-het-VO-14-december-2017.pdf