CARACAS, Venezuela- Presidente di Venezuela, Nicolas Maduro, a manda yama su embahador na Panama, Jorge Duran Centeno, despues di e cu e administracion di e Panameño Juan Carlos Varela, a retira su representante an Caracas, Miguel Mejia.
E vicepresidente Venezolano, Tareck el Aissami a informa via Tiwtter di cu Maduro a tuma e decision aki “pa defende e interesnan sagrado di e patria di Bolivar y di e pueblo di Venezuela”.
“E gobierno bolivariano ta rechaza a agresion inaceptabel di e gobierno inpopular y corupto di e presidente Juan Carlos Varela, contra di e pueblo di Venezuela”, El Aissami a sigui bisa.
E vicepresidente ta di opinion cu e retiro di e diplomatico na Caracas, “ta pretende di kita e atencion di e descomposicion moral grave cu su gobierno ta pasando aden”.
“Presidente Varela ni kico e haci, e lasonan di hermandad y e amor di e pueblonan Venezolano y Panameño. Pero loke si ambos pais low ak, ta cu abo lo wordo husga como e gobierno mas corupto y malo di e historia di Panama”, e chavista a agrega.
Despues di un tension bilateral largo, Panama y Venezuela a drenta den un crisis bilateral despues cu e gobierno di Maduro a suspende e relacionnan economico cu funcionarionan halto y tambe cu companianan di e pais Centroamericano.
E asina yama revolucion Bolivariano ta presumi cu “delitonan di delincuencia organisa, bou di e proteccion di loke parce di ta un convinencia di e gobierno Panameño y di su sistema financiero imperfecto, cu e colaboracion di suhetonan Panameño tanto paden como pafo di e pais”.
Pero e gobierno di Varela a interpreta esaki como un “reaccion politico cu ta falta apoyo”, adopta door di Caracas, “den represalia di e accionnan anuncia pa Panama”.
Siman pasa Panama a publica un lista di 55 ciudadano Venezolano politicamente expuesto, entrenan Maduro y 16 compania, ya cu nan ta forma un “risico halto den materia di blanqueo di capital, financiamento di terorismo y financiamento di e desaroyo di armanan di destruccion masivo”.
Di mes manera, autoridadnan Panameño a recomenda na varios operador di e sistema financiero, pa adopta “politica y procedemento reforsa” ora cu tin sospecho di cu’n transaccion ta relaciona cu persona y empresanan di e lista.
Fuente: https://www.efe.com