Caracas, VENEZUELA- Presidente di Venezuela, Nicolas Maduro a bisa di a pidi UN yudansa pa enfrenta e escasez di remedi, cual a bira pio mientras e pais ta bringando un crisis economico grave.
“Nacionnan Uni tin e plannan mas avansa y completo na mundo pa recupera e capacidad productivo di e industria farmaceutico. Tambe e lo por orienta esaki pa e remedi pa e pueblo”, segun Maduro a bisa diabierna na e canal di television estatal.
Pero Maduro no a splica ki tipo di yudansa el a solitica, of si UN a dicidi pa yuda. E lider Venezolano a reuni diabierna cu Jessica Faieta, administrado asistente y director di e Programa di Nacionnan Uni pa Desaroyo di Latinoamerica y Caribe,
Tambe Maduro a bisa di a pidi yudansa pa por lidia cu otro problemanan di su pais, debi na e “guera economico y e caida den prijsnan di petroleo”.
Ultimo añanan, Venezolanonan a bin ta luchando contra e falta di cuminda y remedi, y tambe contra di e falta di productonan basico manera papel di w.c.
Inflacion na Venezuela a aumenta casi 500% na 2016 y ta ser spera cu e aña aki e subi te na 1.660%, segun IMF.
Aña pasa, Asamblea Nacional lidera pa oposicion, a declara un crisis “humanitario” den e sistema di salud.
E control di remedi di parti di gobierno, a haci cu cierto productonan basico, manera analgesico, bira hopi dificil pa haya.
Na Venezuela, hendenan ta muri pa e simpel hecho di e falta di remedinan basico.
Fuente:www.cnnenespanol.com