EDMONTON, Canada – E luchado Canades Tim Hague, a fayece despues di a ricibi un golpi fuerte den su ultimo pelea contra Adam Braidwood, cual a provok’e un morto celebral, despues di a cay seis biaha prome cu e combate a caba.
E boxeador ya a sufri un conmocion celebral na 2011, tempo cu ainda e tabata bringa den MMA, cual biaha el a dicidi pa tuma un descanso “pa laba cu su celebro cura” di su lesionnan.
Pelea completo
“Nos ta sinti un gran tristesa y angustia na informa cu Tim a fayece awe. El a fayece rodea di su famia y scuchando su cancionnan faborito. Nos lo haya hopi su falta,” Jackie Neil, su ruman muhe a bisa den un comunicado.
El a fayece na edad di 34 aña, despues di a sufri un morto celebran producto di a cay knockout diabierna anochi. Hague tabata victima di cuater knockout den e ultimo dos añanan.
Na 2011, tempo cu ainda e tabata forma parti di e luchanan di MMA, el a sigura cu e lo bay aleha di e deporte pa un tempo. “Mi ta bay tuma un descanso leu di MMA, laga pa mi celebro por cura di mi concusion (Traumatismo craneoencefalico) y obtene e pasion un biaha mas,” el a skirbi riba Facebook.
“Sr. hague tabata un meneer di scol y un miembro di personal stima. Su studiantenan tabata stim’e y admir’e. E tabata un parti importante di nos comunidad escolar,” Jennifer El-Khatib, directora di e scol Ecole Bellevue, a sigura riba e deportista, kende tambe tabata docente di e scol basico di Edmonton, Canada.
Fuente: www.infobae.com