Un total di 14 hungado di U 12 a participa na e prome torneo di aña di ahedrez Copa Betico Croes. Mas cu claro a hunga den un bon atmosfera unda e weganan a dura un total di casi 4 ora. Mester bisa cu tur mucha a haci nan maximo esfuerso pa demostra e miho di nan mes. Apesar di e presencia di varios mayornan como tambe prensa e muchanan no a laga esaki stroba nan di presta den bon forma, pa otro nan esaki tabata un bon motivacion y empuhe pa haci miho nan best. Na final di e competencia a reparti e premio y trofeonan na e respectivo ganadornan.
Presidente di St. Fundacion Lotto pa Deporte, sr. Di-Stefano O. Wernet, a haci un bishita di cortesia y a entrega premio tambe. E juez principal di e torneo, sr. FI Maurits Dijkhoff, tabata sumamente contento riba e desaroyo y progreso di nos hobennan cu ta prakticando e deporte di ahedrez y mas cu claro ta satisfecho cu mas mucha a bira conciente riba e importancia den praktica deporte mental cual lo yudabo enorme den bo formacion como persona, esaki na scol, cas, ect.
Pa prome biaha un ser femenino a bira e overall ganador di e torneo Copa Betico Croes den ahedrez. E resultado final ta como lo siguiente U-12 Girls; 1 lugar nos a haya Lesley Cielo, 6-7, na di dos lugar, Thamara Sagastegui, 4.5-7 (30.5 SB) y na di tres lugar, Mia Mc Collum, 4.5-7 (25.0 SB). E miho hungador di U-10 a keda Mary Jane Bueno, 0-6 y di U-8 tabata Giandra Croes, 1-7.Den mucha homber tin na 1 lugar Cristhian Manuel, 5.5-7, na di dos lugar Kenneth Maurice, 4-7 (28.0 SB) y na di 3 lugar Jeythan Crouch, 4-7 (21.5 SB), e miho hungador den U-10 tabata Gillian Croes, 3-7.
Un danki sigur na Lotto, e Loteria di Aruba pa medio di Comision di Subsidio cu a subsidia e eventonan deportivo en conexion cu e celebracion riba Dia di Betico. Tur aña mayoria federacion tin riba nan calendario un evento deportivo riba 25 di januari, celebrando asina e fecha natal di e gran estadistica Arubano.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.