E dianan 23 pa 29 di December un delegacion masculino den e deporte di bowling a biaha pa Puerto Rico unda nan a competi den e torneo anual yama Caribeño Paradise Kids Jose Luis “Chegui” Carde. Esaki ta di cinco aña cu Aruba ta participa den forma consecutivo na e torneo aki. Mester bisa cu un bes mas nos bolicheronan a luci durante di henter e torneo aki. E torneo aki ta conoci pa ta uno di nivel halto unda cu selecionnan di cada club di bowling di diferente municipio na Puerto Rico ta participa.
E team di Aruba di u15 y u20 a keda na di dos luga enfrentando e miho hungadornan di bowling di Puerto Rico. Den e competencia di doubles, e duo di e bolichero Renald Thiel/Yannick Roos ta logra e premio maximo pa Aruba mientras e duo Kaelan Roos/Jared Felipa ta logra un di tres lugar. E hoben Yannick Roos ta logra triunfa cu e prome luga den e Strike derby. Riba e ultimo dia di e torneo, e hoben Jared Felipa ta conkista un di tres luga den e competencia individual serando asina e torneo den forma exitoso pa e delegacion di bowling di Aruba.
Lotto, e loteria di Aruba ta felicita e delegacion di bowling masculino pa cu nan tremendo presentacion den e torneo Caribeño Paradise Kids Jose Luis “Chegui” Carde na Puerto Rico.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.