Recientemente Club di Gymnasia Arubano Avanse a biaha pa e pais di Panama unda nan a participa den e di 12 edicion di e Copa Panama Classic dedica na e prome gimnasta Panameño Isabella Amado kende a competi den e Weganan Olimpico. Nos atletanan a competi den diferente disciplina mientras nan edad ta varia entre 10- 16 aña. Cada uno ta competi segun nan nivel y edad.
Mas di 450 gimnasta di Peru, Costa Rica, Ecuador, Honduras, Guatemala, Venezuela, Panama y Aruba a participana dicho competencia. Pa loke ta e prestacion di Club di Gimnasia Arubano Avanse, esaki tabata un exito rotundo mirando cu un total di 22 medaya a wordo conkista, di cual 6 di Oro, 5 di Plata y 11 di Brons. Analisando e overall standing den e cantidad di medaya conkista nos tin cu bisa cu e atletanan di gimnasia di Aruba a luci enorme den e 12 edicion di e Copa Panama Classic 2016 aki.
Den e 20 clubnan participante Club di gimnasia Arubano AVANSE a sa na keda na un di 5 luga, solamente 2 club di Panama, 1 di Costa Rica y 1 di Guatemala a finalisa dilanti Aruba. Asina mes Aruba a keda dilanti di varios pais manera Venezuela, Ecuador, Peru como tambe dilanti algun club di Panama, Costa Rica y Guatamala mes. Nos tin sigur cu e deporte di gimnasia tin futuro na Aruba y cu pronto nos lo por mira nan den competencianan grandi den nos region y continente.
Un palabra di pabien ta bini di Lotto, e Loteria di Aruba cu pa medio di Comision di Subsidio a subsidia e biahe di e delegacion di gimnasia pa cu nan participacion na e XII Copa Panama Classic na Panama.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.