Lotto ta desea atletanan di taekwondo tur clase di exito den torneo internacional

0
RBC Juli 2018
Funmiles-2018

Aña pasa e delegacion di taekwondo a hasi un bon papel den e US Open cu e atleta prospecto Chiara Petrocchi logrando un medaya di Plata pa Aruba. E aña aki un bes mas un delegacion di taekwondo lo competi den e G2 U.S. Open Taekwondo Championships e dianan 29 di januari pa 2 di februari teni na e ciudad di Las Vegas, Nevada.E campeonato aki ta wordo organisa pa USA Taekwondo y ta categorisa como e open di taekwondo mas feroz y competitivo na mundo unda mas di miles di atleta y entrenadornan rond mundo ta bini hunto pa e cinco dianan di competencia.
Nos atletanan cu lo competi den diferente categoriananna e US Open ta Monica Pimentel y Chiara Petrocchi. Mester bisa cu den luna di december e 2 atletanan aki a atende un campo di entrenamento unda nan ta entrena cu e seleccion colombiano di taekwondo mientras den e torneo Copa Federacion na Sogamosa, e dos atletanan di Aruba a hasi un tremendo papel logrando varios medaya. No por keda sin menciona aserca cu e atleta femenino Chiara Petrocchi a conoce un tremendo aña 2017 unda e la logra un medaya di Oro den e Weganan Suramericano Hubenil na Santiago de Chile. E seleccion di Aruba bou guia di coach Teo Rodriguez a usa e preparacion y competencia na Colombia como un obhetivo pa logra un bon papel den e US Open di Las Vegas. Pa e dos atletanan e US Open di taekwondo lo sirbi como un oportunidad unico pa midi nan mes cu e mihonan rond mundo.

Lotto, e Loteria di Aruba cu semper a sostene e deporte di taekwondo kier a desea ambos atleta y coach Teo Rodriguez tur clase di exito den e G2 U.S. Open Taekwondo Championships na Las Vegas, Nevada.

Cumprando weganan di Lotto, e Loteria di Aruba manera Catochi, Big 4, Zodiac, Wega di Number Korsou, Lotto di Dia, Lotto 5, Mini Mega, Mega Plus y weganan di Raspa bo ta contribui na deporte ribanos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.

Comments

comments

C: Heineken
new india
dvg