LOS ANGELES, Merca- Weganan Olimpico lo bolbe bek Merca, pero e pais lo mester warda 11 aña pa esaki.
Alcalde di Los Angeles, Eric Garcetti a anuncia dialuna cu e ciudad lo acepta di organisa e Weganan Olimpico na 2028 na luga di aspira pa esun di 2024.
Asina tambe e ta laga e caminda liber pa Paris organisa esaki na 2024.
Garcetti a felicita su homologo Parisino, Anne Hidalgo y Presidente Frances, Emmanuel Macron.
Na Juni ultimo, Comite Olimpico Internacional a vota na fabor di designa e ciudadnan di dos edicion consecutivo y e unico aspirantenan tabata Los Angeles y Paris. COI a confirma e decision aki den un reunion extraordinario na Lausanne, Suiza dia 12 di Juli ultimo. Loke no tabata mucho cla tabata ken lo organisa esaki na ki aña. Ambos tabata prefera e Weganan Olimpico di 2024.
E presidente di e comite aspirante di Los Angles, Casey Wasserman a bisa: “Ambos ciudad awo ta uni y cla pa sirbi e movimentonan Olimpico y Paralimpico.
Fuente: http://www.bbc.com/mundo