FILOTTRANO, Italia – Un historia di amistad y compañerismo a yega na su fin algun dia pasa: ta trata di un lora yama Frankje y e ciclista Italiano Scarponi, kende a fayece ora cu un truck a dal’e diasabra ultimo.
Scarponi tabata train den su pueblo pa competi den e proximo Giro d’Italia, ora cu el a wordo gedal pa un truck y a perde su bida.
Pero e no ta caba eynan, ya cu riba rednan social a bira viral un potret di e lora, sperando su amigo na e luga unda el a muri.
Michele y Frankje tabata anda hunto. Ora cu su amigo a muri, e parha fiel a converti den un fenomeno viral ora el a wordo fotografia na e luga unda e capitan di e ekipo Astana a fayece, un luga unda actualmente tin flor poni pa homenahi’e. E lora Franje a permanece eynan riba un borchi, manera cos cu e tabata warda e ciclista Italiano.
Scarponi a publica habitualmente riba rednan social videonan di su entrenamento compaña pa e simpatico papagayo Frankje. E propio ciclista a admiti cu e parha no tabata di dje, sino cu ta pertenece na un bisiña di e pueblo di Filottrano, y cu cada biaha cu e sali riba bicicleta, e parha tabata persigui’e.
Scarponi di 37 aña, tabata campeon di e Giro d’Italia na 2011.
Fuente: http://tribunacampeche.com