Campeonato HEINEKEN di Aruba Softball Bond dedica na dos baluarte Sra. Bertha Wolf Croes y Eugenio “Tan” Helder a continua den gran forma. Den categoría A-Klas miembronan nobo di ASB “Logros” a enfrenta “Predators” den nan promer wega oficial afilia na Aruba Softball Bond. Logros sinembargo a sa di baha fuerte mustrando cu mester tene debido cuenta cu e ekiipo aki. Predators den nan prome wega tambe a faha duro pero no por a keda cla cu e pitcheo di Logros. Finalmente Logros ta gana su prome wega di campeonato. Logros 14 careda, 15 hit, 7 error. Predators 7 careda, 4 hit, 2 error. Pitcher ganado Juan Chirino kende a wordo releva den di 5 inning pa Johhny Rasmijn. Fransy Leest ta bay cas cu e derota. Mihor bateadonan pa Logros ta Melfin Martes Alvarez y Milciades German ambos di 4-3, Hose Gomez, Eldrick Maduro y Jose Rosario Acosta tur di 4-2, Leonardo Taveras Reyes 2-1 y Juan Chirino di 1-1. Pa Predators a destaca na plato den causa perdi Francisco Grullon y Juan Sosa ambos di 2-1, Darrel Willems di 1-1. Den e di dos wega equipo di Blackhawks a sa di derota Celebrities relativamente fácil. Blackhawks 11 careda, 5 hit, 1 error. Celebrities 2 careda, 4 hit, 1 error. E veterano Clay Shipley ta cubri henter e ruta pa pone e victoria riba su nomber. Jean Carlos Kock ta bay cas cu e derota ricibiendo relevo di Angelo Statie den di 2 inning kende na su turno a wordo releva pa Danny Yarzagaray den di 4 entrada. Mihor bateadonan pa Blackhawks ta Tyrone Punselie 3-2, Jurvin Maduro 2-1 y Clay Shipley di 1-1. Pa Celebrities a luci na bate Wesley Kock, Joward Croes y Jose Leonardo Baez tur di 2-1. Danilo Croes di 1-1. Campeonato lo continua fin di siman aki diasabra y diadomingo den categoría femenino. Softball a la carga!!