Logronan cu Sindicato “S.T.A.” a logra pa e empleadonan di AAA N.V. ta wordo hopi aprecia pa mayoria di e empleadonan di dicho Compania y no por ta otro.
Extra Rustdagen
Locual cu e Sindicato anterior a elimina a tuma S.T.A. hopi lucha pa logra haya esaki nan bek pa e empleadonan cu ta traha warda esta 11 dia extra di sosiego pa tur esnan cu ta traha warda.
E 11 dia nan aki ta pone cu e empleado nan por disfruta di mas sosiego pa aña.
Dianan di Vacacion riba dianan di Fiesta
AAA N.V. tabata kita dia nan di “Vakantie” ora un empleado pidi vakantie riba dia di Fiesta. S.T.A. mester a bay Corte pa cu esaki y a gana e caso.
Mester a debolbe e empleadonan, cu forza retroactivo, e dianan di Vacacion cu a ser kita for di nan.
“Aanmoedigingspremie”
Esaki ta un prima cu S.T.A. a cuminsa cune na AWG 600,= cu ta wordo paga e di dos siman di Januari di tur aña. S.T.A. den transcurso di e ultimo aña nan a logra aumenta esaki te na 1.750 florin locual ta nifica un aumento di 1.150 florin
Compensacion pa personal di warda
Tambe a conoce un aumento barbaro di 180 florin pa 3 warda y awor e ta 500 florin pa 3 warda y 2 warda di 120 florin pa 350 florin. Tambe compensacion pa disponibilidad a crece di 368 florin pa 425 florin y compensacion pa warda di reserve a subi di 45 florin pa 75 florin.
Gratificacion di Pasco
Esaki tur aña ta conoce aumento.
Aparte cu tur empleado ta haya 1 luna di Salario como gratificacion di Pasco, tur aña e ta subi como resultado di e aumento General di tur aña.
Gratificacion di Jubileo
5 aña di servicio a conoce un aumento di 500 florin (di 1000 florin pa 1500 florin)
10 aña di servicio a conoce un aumento di 500 florin (di 1500 florin pa 2000 florin)
15-20-25 y 30 aña a conoce un aumento di 1000 florin cada uno.
15 aña, 1 luna di Salario “plus” 1000 florin
20 aña, 1½ luna di Salario “plus” 1000 florin
25 aña, 2 luna di Salario “plus” 1000 florin
30 aña, 2½ luna di Salario “plus” 1000 florin
Sindicato S.T.A. a añadi 35 aña di servicio di cual e empleado ta ricibi 3 luna di Salario mas 1000 florin como gratificacion di Hubileo y pa 40 aña di servicio ta 4 luna di Salario mas 1000 florin. E di dos ultimo nan aki no tabata existi y S.T.A. a percura pa esaki a keda introduci.
Compensacion pa Vakantie
Tambe ta conoce aumento tur aña a consecuencia di e aumento General di tur aña.
Esaki ta un (1) luna di Salario.
Compensacion Prestacion di Empresa (B.P.A.)
Esaki ta un Prima cu Sindicato S.T.A. a bin cune na aña 2012 cual ta 750 florin basa ariba ganashi di e Compania. Esaki ta na vigor ainda.
Aumento General
2009: Awg 175 + (Awg ± 60= groeistap) Awg 235,=
2010: Awg 100 + (Awg ± 60= groeistap) Awg 160,=
2011: Awg 100 + (Awg ± 60= groeistap) Awg 160,=
2012: Awg 150 + (Awg ± 60= groeistap) Awg 210,=
2013: Awg 150 + (Awg ± 60= groeistap) Awg 210,=
2014: Awg 150 + (Awg ± 60= groeistap) Awg 210,=
2015: Awg 175 + (Awg ± 60= groeistap) Awg 235,=
2016: Awg 100 + (Awg ± 60= groeistap) Awg 160,=
2017: Awg 65 + 1½% indexering Awg 132,50
Aki tur hende por mira cu si bo no a ricibi un “groeistap” cual ta un compensacion extra cu bo lo haya si bo a traha bon lo ta sin “groeistap” Awg 1232,= y cu e “groeistap” Awg 1712,= desde aña 2009 te cu 2017. Esaki ta desde cu e bestuur nobo bao di liderasgo di Sr. Diego de Cuba, actual presidente a tuma over.
E aumento nan aki ta aparte di tur e benificionan cu tambe a conoce aumento barbaro.
(10) Aumento di Compensacion pa Yiu
S.T.A. a haya esaki na Awg 55,= pa cada yiu y a sa di aumenta esaki te na
Awg 125 pa cada yiu pa luna.
(11) Gratificacion den caso di 0% ausencia debi na Malesa
Esaki tambe a conoce un aumento substancial durante transcurso di e aῆa nan aki.
(12) Seguro di accidente di Trabao
Tambe a conoce aumento di 60 mil pa 65 mil y di 120 mil pa 130 mil florin.
(13) Areglo den caso di Fayecimento
Un areglo cu S.T.A. ta spera cu no mester wordo haci uzo di dje pero pa proteha
e empleado y su famia a aumenta esaki cu 5000 florin.
(14) Facilidadnan pa Estudio
Esaki ta algo cu hopi hende no ta haci uzo di dje pero cu S.T.A. semper a kere
den dje.
(15) Pensioen y Areglo di “Spaar”
Pa esnan cu ta den “Apfa” e diferencia ta di un “eindloonregeling” pa un
“middeloonregeling” NPR 2011 y NPR 2014.
Pa esnan den “Guardian” e pensioen ta corre te cu aῆa 2018, pa ser exacto
31 di December 2018.
E problematica di penshun tin su debido atencion di parti di e Sindicato S.T.A. y
muy pronto lo bay tin presentacion nan di “APFA” y tambe di “GUARDIAN” pa
asina ey tur hende por scohe locual ta combini nan, dus esaki mester sosode prome
cu Juni 2018.
Areglo di Spaar; Esaki ta un areglo di “Spaar” cu e Sindicato S.T.A. a bin ta boga pe desde 2009 y porfin ta mira luz di dia. Aki e empleado ta spaar 1% y e Compania 1% y ta obligatorio pa tur CAO’er. E plan aki ta bin cu un interes acumulativo di no menos cu 3.6% y lo wordo maneha pa e Banco “CMB”.
Un logro cu e directiva di S.T.A. ta sumamente contento cune y mayoria di e empleado nan di “AAA N.V.” tambe.
Aparte di tur esaki e Contracto Colectivo di AAA N.V. tin tur e ingredientenan pa ta un di e mihornan di Aruba si no ta esun di miho.
Sindicato STA ta hopi agradecido pa e sosten cu e ta ricibi di su miembronan y ta haci un apelacion na un y tur pa salvaguardia e CAO aki mirando locual cu a sosode cu un otro Compania na nos Aeropuerto mes cu a perde tur tur cos pa motibo di un grupito terco y sin experiencia y awor ta yora malay.
Tur dia tin mas empleado cu ta afiliando na e Sindicato pasobra nan ta conciente cu un “CAO” manera esun cu tin awor ta dificil pa haya. Motibo suficiente pa S.T.A. conclui cu mayoria absoluto ta sumamente contento cu e Sindicato S.T.A.