Un planta di kima sushi ta e miho solucion

2
Incinerator Diagram:

Sr. Victor Robert, Director Interino di Serlimar, a splica cu tin plannan pa trece un planta cu ta kima sushi sin haci daño na medio ambiente na dump. E ta amplia.

Sr. Robert a splica cu un incinerator no ta barata, esey ta costa hopi placa. Pero e mashin aki lo no bay produci huma, y esaki lo no sali pafo den e aire. Basicamente por bisa cu lo mester bin un planta nobo na Parkietenbos. Unda e landfill ta aworaki, ya no ta bay kima eynan mas.

Si tin ideanan pakico lo bay uza e landfill na Parkietenbos, pero e Ministernan mester dicidi kico ta bay ta e miho opcion pa e landfill. Pero nada lo no bay wordo kima mas na Parkietenbos. Di awo pa fin di aña, nada lo wordo kima mas eynan. Minister Mike de Meza a bisa cu esaki ta algo nacional e ta. Asina leu el a bira caba. Tur hende tin beneficio pa e landfill tin awor, manera cu e ta aworaki, lo mester yega na un fin.

Tin hopi rumornan cu ta core di kico lo bay haci cu e landfill, y hasta cu lo cera e dump na Parkietenbos. Segun Sr. Robert, no por cera e landfill asina ey no mas. Aruba ta chikito, no por benta tur e sushi unda cu ta. Paso e ta bira manera un desaster y mester tene cuenta cu Aruba, ta biba di turismo, y si e ta un desaster, turistanan lo no bin mas Aruba.

Di tur manera, lo mester bin cu un solucion den corto tempo. Esaki kiermen, den un paar di luna, dos pa tres luna, e ekiponan nobo, lo mester ta na Aruba. Esaki segun Sr. Victor Robert, Director Interino di Serlimar.

2 COMMENTS

  1. Atrobe, boso no ta scucha! Bay manda un tecnico Sweden y wak ta con coño nan ta get rid di nan sushi! Nan ta asina eficiente cu nan ta te hasta importa sushi di otro pais pasobra esun di nan a caba. E ora boso ta siña tambe di biaha con pa haci’e mescos aki na Aruba! Gheeez!!!

  2. Pero unta semper nan tawata bisa ku no ta anan ta sende kandela ????? ku ta spontaan e kandela nan ta sende ??????? boso mes ta kima boso pan akinan.

LEAVE A REPLY

Please enter your comment!
Please enter your name here