LONDON, Inglatera – E Federacion Ingles di Futbol (FA), a informa diamars e siguridad den e stadion Londinense di Wembley unda lo disputa diasabra e final di e Copa di Inglatera entre Arsenal y Chelsea.
E medida a wordo tuma despues di e atentado cu a sosode den e stadion di Manchester Arena tras un concierto di e cantante norteamericano Ariana Grande.
Atrabes di un comunicado e Federacion a afirma cu “e siguridad di e aficionadonan ta nos prioridad y nos tin medidanan di siguridad robusto pa pone den practica den e stadion di Wembley.”
Di su banda, nan a añadi cu “Ta incrementa e siguridad pa tur e eventonan futuro, den un operativo cu lo wordo realisa den colaboracion cu Polis Metropolitano di London y autoridadnan local.”
Ademas di e final di copa di e proximo diasabra, e iconico recinto lo ta e sede tambe di e “play-off” final di e ascenso na e Premier League y League Two, entre Reading y Huddersfield Town y Blackpool y Exeter, respectivamente.
Pa loke ta English Football League, a expresa cu “Si ta bon no tabata un menasa directo, nos asesor di siguridad ta den contacto cu e stadion di Wembley, cu e Oficina di Siguridad Nacional contra terorismo (NACTSCO) y cu polis metropolitano pa cerciora pa nan tuma e medidanan necesario pa por sigura un luga sigur pa tur e aficionadonan cu ta acudi na e partidonan di fin di siman.”
E atentado cu a sosode dialuna anochi, a laga por lo menos 22 hende morto y 59 persona herida, segun e mas reciente reporte di autoridad Britanico.
Fuente: www.ntn24.com