CARACAS, Venezuela- Diputado Luis Stefanelli a informa cu Parlamento Venezolano lo pidi Corsou pa duna e sobrevivientenan di e naufragio e status di “refugiadonan politico”.
“For di Asamblea Nacional nos ta solicita gobierno di Corsou pa permiti e sobrevivientenan di e tragedia wordo declara refugiadonan politico”, según Stefanelli a scirbi ariba su cuenta di Twitter.
Stefanelli a recorda cu no ta prome biaha cu un tragedia asina ta tuma luga, mirando cu algo asina a tuma luga tambe na 2017.
“No ta prome biaha cu esaki ta pasa, dia 19 di Juli 2017 e barco di carga Rosa María di 26 meter a zink. E tabata tin abordo 18 tripulante, di cual 2 di nan Edumar Leal y Domingo Pardo nunca a aparece. El a sali for di Vela de Coro, rumbo pa Corsou”, el a agrega.
Di su banda, autoridadnan di e isla di Corsou a informa cu otro Venezolano a wordo haya morto, cu cual e cantidad di fayecidonan ta subi na 5. Ta di recorda cu e personanan aki a fayece despues cu e boto cu nan tabata nabega den dje, a naufraga dilanti costanan di Corsou. E boto aki a sali for di Venezuela dia 9 di Januari.
E curpa cu a wordo haya ta di un hende homber, cual ta suma na e dos muhe y dos hombernan haya diaranson.
Segun e informacion emiti door di Gregorio Montaño, director regional di Proteccion Civil a precisa, sin duna mas detaye, cu autoridadnan di Corsou tin e cinco sobrevivientenan deteni, di cual dos ta bou di vigilancia medico debi na lesionnan ricibi.
E situacion economico dificil cu Venezuela ta pasando aden ultimo lunanan ta pushando su ciudadanonan pa sali for di e pais, di diferente manera. Algun ta logra yega, mientras cu otronan no ta core cu e mesun suerte y ta muri na caminda.
Fuente: http://www.ntn24america.com