Sra. Glenda Hernandez di Departamento di Asunto Social ta elabora tocante e 17 miyon florin cu lo bay inverti den e programa di Crisis Plan Social.
A haci un proposicion pa bin cu un comision di toezicht. E comision ta consisti di Parlamentario Sue Ann Ras como presidente y Marisol Lopez. Nan ta invita tur Parlamentario cada biaha pa pasa presencia e reunionnan cu nan ta tene na Biblioteca. Sra. Ras ta sinti cu e ta importante pa nan ta na altura prome cu haci cierto uitspraken. A cuminsa cu dos sub commissies, pasobra e trabou no por wordo haci den un reunion grandi asina. Un comision di registracion central a cuminsa entre cuater sectornan. Tambe a cuminsa cu un trayecto di profesionalisacion di e personanan den sector social p’asina revisa nan manera di traha.
Tambe ta papia di trabou di bario, esey kiermen cu mester sinta mensualmente cu diferente gremionan di bario, polis, directornan di scol, stakeholdernan importante y traha riba prevencion di problemanan. Tur esaki no ta sosodiendo. E structura ey nan kier trece bek. A papia caba cu bestuurnan di scol y lo bay cuminsa den aña escolar nobo.
Sra. Hernandez ta mustra cu e resultado cu e 17 miyon di inversion den e servicionan aki lo wordo mira y sinti.