Despues di un reunion cu mi a tene diabierna cu representantenan di comercio den Caya Grandi mi a tuma contacto cu Korpschef pa KPA intensiva e patruyanan den Caya Grandi y bisindario den weekend y dianan venidero. Ademas a pidi Cuerpo Especial Arubano pa evalua con lo por yuda contribui den e aspecto di trece mas seguridad den Caya Grandi.
Den consulta cu minister di infrastructura Otmar Oduber ademas a dicidi cu KPA mester tin miho acceso na Caya Grandi pa na tur momento por patruya. Lo bay tene reunion riba un base regular cu e gremio comercial pa conhuntamente cu Gobierno di Aruba sigui traha optimalmente riba e aspecto di seguridad en general.