Lo haci un investigacion independiente di e proyecto di hospital

0

En berdad e proyecto di Hospital ta hopi importante pa comunidad Aruba pero tambe a trece basta contra tiempo. No solamente contratiempo pero tambe gastonan cu for di cuminsamento esaki a wordo cuestiona. Pa cu esaki a dicidi di haci un investigacion independiente di e proyecto di hospital. Minister di Salubridad Publico, Turismo y Deporte ta amplia.

Den palabracion cu e instancianan concerni e.o. SOGA, AIB, gerencia di hospital y tambe e contratista cu a gana e bid, cu a wordo cuestiona. Den diferente reunion diferente palabracion a tuma luga y un di nan ta cu gobierno a propone na tur e partidonan, mirando cuanto problema tin cu e proyecto aki, cu e lekkage di diesel, e boiler cu ta mucho grandi, of cu ta bira mucho frieu of mucho cayente, etc. Trahado mester a bay cas y e pashentnan ta wordo perhudica den cuido tambe.

Riba esaki a decibi di cera un acuerdo cu un compania independiente pa haci un investigacion, wak kico ta e problema cu ta ocasiona e fayo aki specificamente, e holo di diesel y otro kimiconan a bira un molester pa trahado y pashent. Na e momentonan aki tin un acuerdo cera entre Land Aruba y TNO, unda cu tin fondo disponibel riba un contracto anterior cu Aruba, anto sin mucho gasto adicional ta bay haci uzo di e contract aki pa nan bin cu nan servicio y experticio pa haci e investigacionnan aki.

Tur e ekiponan pa esaki ta yegando na Aruba awor aki y si tur cos,e investigacion ta cuminsa tuma luga den dos siman, pa haya un conclusion di e henter e investigacion y tambe un conseho pa cu e maneho di awo padilanti.

Den e ultimo reunion tambe cada partido a splica cu ta bay haci un assesment di nan manda. Ya cu a keda discuti cu atrobe tin cu cambia e scope. Ta bin gastonan adicional cu cosnan cu a wordo lubida di traha, manera sala di operacion cu a wordo lubida, laboratorio a wordo lunida, ICU a wordo lubida. Y awo atrobe ta wordo papia di cambionan di scope. Y esaki logicamente tin cambio den gastonan. Ta bin gastonan adicional, y e minister a splica tur dos partido, SOGA y gerencia di hospital, cu den caso aki sky is no the limit. No por keda cambia scope cada 3 siman, ya cu ta keda agrega gasto, mirando cu a presupuesta 60 miyon caba.

Ta bay tin conseho di parlamento pero prome cu esaki ta prudente pa bin cu e assesment pa haya sa pakico e situacion aki sosode. Mirando como gobierno e cantidad di problemanan cu tin den e proceso di e proyecto, a dicidi pa apunta un lider di proyecto cu e experticio y conocemento den proyectonan di hospital necesario unda cu ainda ta falta entre 50% cu 60%.

Den todo caso cu e accicon aki ta anticipa pa no bin cu mas contra tiempo den proyecto di hospital. Ta bezig cu e lider di proyecto, cu ta independiente di tur e otro instancianan y ta bay cuminsa pa lidera y sirbi di guia pa e problema aki no bay sigui escala y keda cana den un manera responsabel. Te asina leu, declaracionnan di minister Dangui Oduber, encarga cu Salubridad Publico, Deporte y Turismo.

Comments

comments