Di parti di Departamento di Impuesto, mas y mas ta rekeri pa e auto ta registra na DTI. Sr. Dominico Werleman, director di DTI ta amplia.
Si e persona cu awordo controla na DTI tin mas cu 3 aña sin cu e ta gekeur e ta bay haya un cita pa keur di biaha cu e fecha y lo mester paga 50 fls. Di e manera aki tur hende mester cumpli cu e keur anto tin e siguransa cu e vehiculo ta bay keur.
Lo cual cu tabata sucede ta cu persona ta haci afspraak y ta keda cu un recibo y cada biaha cu e fecha ta bay vence ta bin busca stempel nobo anto keda alarga e keuring y na base di esaki a stop cu e citanan via telefon. Awor e hende mester paga y nan ta cu bin na e afspraak pasobra cu nan no ta bay perde e placa.
A wordo palabra na DTI cu tin stipula pa cumpli cu e aspraak na tempo, caminda cu a wordo programa 200 cita pa dia den un tempo stipula di 2 siman caminda esaki cu DTI por cumpli cu esaki.Si tin un hende cu por tin un prueba di e garashi cu ta wardando un pieza e ora lo por haci un excepcion pa haya un fecha despues pasobra si e no ta pasa e heur e ora tin cu bay drecha e auto y keda warda 30 dia prome cu bolbe keur.
Compara cu Pos Chikito, e sede nobo di DTI tin ekiponan mas nobo unda por check e autonan cu machine, y unda cu e cantidad di clientenan compara cu Pos Chikito a bira dobel unda cu normalmente tabata keur 100 auto pa dia y awor aki ta 200 auto y esaki ta ocaciona cu tin mas fila di auto.
Pero den tema di espacio y e ekiponan ta hopi mas miho y ta bay mas lihe. Lo cual cu ta un tiki fastioso ta den e parti di e atencion al publico cu ta hopi chikito unda cu tin un grupo cu ta bay haci aspraak y otro cu caba di keur cu mester drenta bek den e mesun espacio pa busca nan keuringsbewijs. Pero ta purba di mehora den e area aki pero for di rest tur cos ta bayendo bon den e mesun linea y ta bezig pa pone riba papel tur e procedura pa tin un linea recto di e procedimento pa keur pa tur e ambtenaar lo keda traha den e mesun direccion.