Tin falta di personal na Arubahuis, pero na mes momento tin oportunidad na Arubahuis. Minister Plenipotenciario, Sr. Guilfred Besaril ta amplia mas ariba esaki.
Tin falta di personal na Arubahuis, pero na mes momento tin oportunidad na Arubahuis. Den combersacionnan, bo ta realisa cu door cu e team di Arubahuis ta un team chikito, bo ta haci diferente tarea, dado momento bo ta bira cu na final di dia, esey ta “cheap labor”. Ta un funcion tin, no tres of cuater na mes momento.
Lo bay reuni cu Departamento di Recursonan Humano, pa cuminsa drecha e posicion di e trahadonan di Arubahuis. Por ehempel un persona tin un conocemento amplio den su pakete pa e haya e posicion cu e merece, pa asina e ta un refleho di e responsabilidad cu e ta carga. Esaki ta un reto pa DHR, no solamente pa yena e vacaturanan na Arubahuis, pero tambe pa nan traha den un forma motiva.
Sr. Besaril a splica na Hulanda, pa e yega pa traha pa e organisacion, pa asina aki, e organisacion por ta e “tussenschakel” entre e yiunan di tera cu ta casi 25 mil Arubano cu ta biba na Hulanda. Y practicamente tur tin famia aki na Aruba. Dado momento bo mester tin den mente, cu tin di nan, pa diferente motibo, ta busca yudansa na Arubahuis pa un miembro di famia, cu pa un motibo of otro, mester di asistencia. Asina aki, Arubahuis por ta oportunidadnan economico, of e oportunidadnan legal cu Aruba por tin, por eherce e trabao como debe ser.
Na Arubahuis tin retonan grandi y e personal tin oportunidadnan grandi, pa pone nan ariba mapa. Y esey ta compromiso cu el a bin cumpli cun’e como minister plenipotenciario na Den Haag, Hulanda.