Sra. Glenda Hernandez di Departamento di Asunto Social ta elabora tocante e concepto di Crisis Plan Social.
E concepto di Crisis Plan Social ta un programa compleho cu ta consisti di 28 proyectonan grandi di instancianan. Cada instancia ta haci 10 te na 20 proyecto. Ora ta cuminsa cu un centro pa hoben y famia, e no ta solamente busca un luga y habri porta pa nan. Mester traha e concepto di e servicio cu ta bay ofrece. Tur locual a wordo traha caba tin un plan di aanpak. E 28 proyectonan aki mester ta rib’e bay e mesun direccion. Ora cu a traha e plannan, a bin cu un programa cu ta bisa kico ta Crisis Plan, kico ta nan meta y kico mester cumpli cun’e pa haya placa. E toezicht cu tin ta inhoudelijk, pasobra cada tres luna ta yama tur e directornan hunto cu e commissie van toezicht, Parlamentarionan, etc. A base di nan reportahe, ta mustra kico ta bay bon y kico ta bay malo.
Sra. Hernandez ta sigui splica cu el a haci tur su proposicionnan pa e prome set di hendenan cuminsa traha. Awor nan ta bay cuminsa traha den bario y studia e lista di espera den Augustus. Unicef tambe ta bay haci un evaluacion di con tur cos ta andando. Unicef ta enfoca hopi riba crisis, pero Sra. Hernandez tambe kier enfoca riba prevencion di crisis.