No ta un secreto cu hospital ta den hopi problema. E minister ta den contacto cu AIB, SOGA y e Managment di Hospital pa por yega na un solucion. Minister di Salud Publico, Sr. Dangui Oduber ta splica.
E proyecto tin un gasto extra di 110 miyon florin, caminda cu e minister tabata tin un reunion cu esunnan concerni y a papia atrobe di cambionan y ampliacion cu ta bay trece costonan adicional. Esaki ta un preocupacion grandi pa gobierno unda cu tin un proyecto stipula di 110 miyon cu ta coriendo den retraso cada siman y comunidad di Aruba tin cu bay paga 90 mil $ cu e retraso y e costonan adicional. Ta incomprendibel cu riba cambionan cu nan a lubida pa un motibo u otro.
Minister a señala cu e no ta bay aproba esaki pasobra esey ta cay bou e decision di e parlamento y mester analisa tur e cambionan aki y pone riba papel anto e ora ta bay sinta riba e mesa pa repasa henter e lista, pero riba esaki ta incomprendibel cu tabata tin dos ex Minister di salubridad cu a cuminsa cu e proyecto aki y a wordo lubida asina hopi cos, manera un sala di operacion, micro biology y awor ta papiando di laboratorio.
Riba esaki Minister Danguir a expresa cu p’esey un mocion a wordo aproba den parlamento pa bin cu un investigacion pa yega na e raiz di e problema di kico a ocasiona esaki cu concecuencianan. Na final di dia e pashent y pueblo di Aruba ta esun cu ta wordo perhudica cu un gasto di mas di un miyon florin di un proyecto cu mester a costa hopi menos placa.