GREAT BAY, Sint Maarten – Prome minister di St. Maarten, William Marlin a presidi su di tres reunion di e Centro di Operacion di Emergencia, unda cu el a wordo notifica pa varios coordinacion di e Emergency Support Function (ESF), pa loke ta e preparacion nacional pa e yegada di Horcan Irma.
E pais awor aki ta bao di un Hurricane Warning desde 11’or di dialuna mainta. Un Hurricane Warning ta nifica cu condicionnan di horcan ta wordo spera dentro di e area di advertencia.
E warning aki ta wordo institui 36 ora prome cu e prome ocurencia anticipa di bientonan cu forsa di tormenta tropical, condicion cu ta haci cu preparacionnan pafo ta dificil of peligroso.
Preparacionnan pa proteha bida y propiedad mester wordo intensifica pa keda cla.
Scolnan lo ta cera riba diamars, 5 di September, te proximo aviso.
Oficinanan di Gobierno tambe lo ta cera diamars, 5 di September te cu proximo aviso. Servicionan di Emergencia lo opera manera normal. Servicionan esencial lo opera, mientras cu nan ta prepara pa e yegada y pasada di Horcan Irma.
Ta mandatorio cu tur negoshi, incluyendo casino cera pa 12’or di merdia diamars, dia 5 di September, cu excepcion di supermercado, Hardware Store, Restaurant, Botica, Stacionnan di Gasolin y panaderia, cu ta wordo permiti pa keda habri te cu 5’or di atardi riba diamars, dia 5 di September, ya cu nan ta provee servicio/productonan esencial den preparacion pa e horcan.
Solamente restaurantnan riba propiedadan di hotel lo keda permiti pa habri despues di 5’or di atardi. Hotelnan ta wordo conseha pa haci preparacionnan pa staff na e propiedad.
Toque de Queda
Un Toque de Queda lo drenta na vigor desde 8’or di anochi pa diamars, dia 5 di September, te cu pasamento di e horcan y asesoramento di daño a wordo completa. Tur hende lo mester ta na nan cas pa e momento eynan. EOC lo reuni diahuebs mainta pa 9’or pa analisa e situacion y dicidi riba e Toque de Queda.
EOC lo reuni un biaha mas pa diamars mainta pa asina analisa e ultimo informacion riba Horcan Irma. E Prome Minister lo haci un anuncio nacional riba diamars merdia pa 2’or.
Fuente: www.thedailyherald.sx