Ta bay tin un actividad di Santa Rosa den e area di Djispie’s. En conexion cu esaki Aruparking di su banda, ta duna cooperacion cu for di 12’or di merdia en adelante, ta bay tin free parking den e area di Djispie’s. Aruparking ta cobrando di 9’or di mainta pa 3’or di atardi, segun vocero di Aruparking, Sanin Daou.
E ta sigui splica cu den e area di Djispie’s for di 12’or di merdia en adelante riba diasabra, lo bay tin free parking.
Cu esey Aruparking kiermen, e freeparking lo bay conta den e areanan eybanda. Pa haci’e mas facil den e area di Crown bin p’ariba of den e area di Arco Iris Snack bin p’ariba, tur esey ta bay ta Free Parking.
Pa ta cla cu esaki, bao pabao no tin free parking. Te 3’or normal ta sigui cobra. Pa por ta cla un biaha mas riba e parti di free parking pasobra ultimamente a bin basta bruhamento. Ora cu bisa free parking, no kiermen free for all. Tin cu corda, solamente den e vaknan blanco tin free parking. Si bo ta un hende cu tin vergunning, bo por para den e geelnan. Un hende cu no tin vergunning no por para den geel. Tambe kier ta duidelijk, si no tin un vak blanco marca, esey ta nifica cu no mag di parkeer. Tin cu corda cu den e areanan cu no mag di para te ainda si para, Aruparking lo bay over pa bay pone un klem. Riba acera of riba un caminda cu no tin vak marca, no ta wordo permiti pa parkeer. Solamente den e vaknan blanco. Un biaha mas, den e area pariba, den e area di Djispie’s, cuminsando for di Crown bay p’ariba, y e otro banda parti nort, for di Arco Iris bin p’ariba, for di 12’or di merdia en adelante, ta bay tin free parking den e vaknan blanco solamente. Esey lo ta diasabra awo, dia 3 di December. Pa ta bon cla y pa ningun hende no bruha, solamente den e vaknan blanco tin free parking, no riba acera, no caminda cu no tin vak, pasobra Aruparking no kier haya nan den un situacion pa nan bay klem un auto y despues e trece un mal contento cerca ningun hende, Daou a splica.