Lo bay tin basta awasero durante fin di siman

0

Servicio Meteorologico ta informa cu riba e imagen modelo adhunto valido pa diasabra, por nota e nivel superior (liƱa cora) combina cu ola tropical nr. 54. Debi na e cercania di e dosnan aki, combina cu e aumento di humedad, lo bay tin chens di aumento di awasero durante fin di siman. E acumulacion di awasero lo ta entre 3-8 mm pa dia. E miho chens di awasero ta mey anochi pa oranan di mainta. Tambe e ola tropical nr. 54 ta wordo vigila pa NHC pa posibel desaroyo ya cu su area principal di precipitacion ta core west noordwest. Obviamente hasta si e desaroya, e no lo ta un peliger pa Aruba, ya cu su centro lo ta panort di Hispaniola.