Manera tabata e caso den periodo di secura esaki tabata un problema hopi grandi pa nos agricultornan. Awa no tabata yobe suficiente pa asina nan por a probecha di sigui cultiva productonan fresco. Damnan tabata seco y posnan di awa dushi tambe no tabata tin e calidad ni tampoco cantidad di awa cu esaki ta rekeri pa planta. Agricultornan tabata sclama pa poco awa por yobe. Esaki tabata yega na un culimacion cu mester a hasi uzo di awa di “Kramchi” y/of awa di WEB ARUBA NV pa por a mantene e matanan bibo. E parti desventahoso cu esaki ta trece cune ta cu na momento cubo ta bay haci uzo di awa di WEB ARUBA NV pa muha bo plantacion y/of si bo ta bay haci uzo di e awa aki pa planta sigur cubo pa fin di luna bo tin un suma astronomico pa paga na dicho compania. Esaki sigur no ta nada rendabel y mucho menos consehabel pa haci tin situacionnan asina.
Manera ta conoci cu recientemente Gobierno di Aruba, WEB ARUBA NV y Departamento di Agricultura Cria y Pesca Santa Rosa a yega na un posibel convenio cu den corto plazo lo bay duna un ayudo extra pa nos Agricultornan cu e problema di awa. Hopi ta esnan cu ta haciendo uzo caba di e servico di entrega na awa di nos departamento pero esaki ta rekeri mucha mas y sigur e peticion na Santa Rosa ta asina grandi cu tin biaha ta casi imposibel nos departamento por cumpli cu esaki.
Hopi Agricultor tambe ta haciendo uzo caba di meternan awa di WEB ARUBA NV cu ta duna un prijs poco mas reduci pa Agricultura. Esaki ta pa yuda un poco cu e gasto pa fin di luna apart pa loke ta e prijs manera ta e prijs domestico. Esaki tambe semper tabata tin su rekesitonan pa por yega na un meter di awa special pa Agricultura. Bo mester por tin matanan cantidad limita di matanan di fruta of berdura planta pa por yega na remarke pa por haya un meter di awa. Ta puntonan cu ta wordo pidi pa por cumpli cu tal peticion.
Awor cu tin e posiblidad cu Gobierno di Aruba, WEB ARUBA NV y Departamento di Agricultura, Cria y Pesca tin un posibel alivio pa nos Agricultornan pa e solucion di awa esaki tambe ta bin cu cierto rekesitonan pa por yega na esaki. Nos di Santa Rosa ta hasi un apelacion na tur esnan cu tin meter di awa cu ta pa agricultura (Landbouw Meter) por tuma contacto mester cu Santa Rosa pa registra. Registacion por wordo haci na tel: 585-8102 of por pasa na orario di oficina entre 7’or-12’or y 1’or-3’or. Por puntra pa srta. Jennifer Games