Listramento preventivo durante Carnaval na Oranjestad

0

Ministerio Publico y Cuerpo Policial di Aruba ta informa cu Polis lo listra preventivamente riba posesion di droga durante tur actividad di carnaval.

E ordo pa listra preventivamente ta encera e siguiente actividadnan:

a. Parada di mucha riba 28 di januari 2018 di 2’or di atardi pa 12’or di anochi (zone 4);
b. Hebe Hebe riba prome di februari 2018 di 6’or di atardi te 2 di februari 2014 pa 3’or di madruga (zone 2);
c. Lighting Parade riba 3 di februari 2018 di 6’or di atardi pa 4 di februari 2018 pa 4’or di madruga (zone 1);
d. Parada grandi di carnaval riba 11 di februari 2018 di 12’or di merdia pa mey di anochi (zone 1).

Den cuadro di e accion di listra preventivamente pa droga, Polis ta autoriza pa para hende na un forma arbitrario y listra na nan paña. Ademas KPA ta autoriza pa busca den autonan y otro vehiculonan pa droga. Tambe Polis ta autoriza pa manda pa habri caha, tas, rugzak y otro pakinan pa listra den e contenido pa droga. Ministerio Publico a duna KPA ordo pa esaki.

Zone 1
E area aki ta di rotonde di Wendy’s (L.G. Smith Boulevard) pa rotonde di Schotlandstraat stret pa rotonde di Driemasterstraat, pa rotonde di Ponton, pa cruzada di Kamerlingh Onnestraat (R.C.A. stadion), pa rotonde di Seroe Blanco, despues pa rotonde di Ex Marathon, bira na man robez direccion di rotonde di Tarabana, bay stret pa rotonde nobo di Watty Vos Boulevard, bira na man drechi pa rotonde di F.C.C.A., stret pa rotonde di airport, pa rotonde di Las Americas, bay robez pa Nikki Beach, sigui bay te Wilhelminapark pa rotonde di Wendy’s.

Zone 2
E area aki ta di cruzada di Caya Ernesto Petronia y Rudolf Arendsstraat te cruzada di Edisonstraat, lora na man drechi pa cruzada di Kamerlingh Onnestraat, bira atrobe na man drechi pa cruzada di De la Sallestraat, sigui te cruzada cu Indianenweg, bira robez, sigui stret riba Concessielaan te cruzada di John G. Emanstraat, bira na man drechi te cruzada cu Weststraat, bolbe bira na man drechi te cruzada di Rudolf Arendsraat, sigui bay te Caya Ernesto Petronia.

Zone 4
E area aki ta di Maria Christinastraat rumbo Irenestraat, bira na man robez, sigui stret riba Colombusstraat te cruzada di Caya Betico Croes, bira na man drechi pa Caya Betico Croes 196, sigui te Rondweg 29 bay stret subi Avenida Milio Croes, bira na man robez pa cruzada di Rumbastraat, djey bira na man drechi rumbo Belastingkantoor (S.I.A.D.), sigui te cura di airport, bira na man drechi te Nikky Beach, sigui na man drechi te cruzada di Maria Christinastraat.

Comments

comments