E famoso y conocido Cantante di Aruba y Santo Domingo Lili Rodgers pronto lo ta biahando pa Panama pa ricibi un premio special den e categoria di Cantante femenina di bachata di Aña cual ta algo grandi y na nivel internacional.
E premio aki ta uno cu ta tuma luga pa hopi aña den Latino America cu ta conta cu participation di hopi artista na nivel internacional.
Lili durante hopi aña a bin ta haci presentacion na varios pais manera na Republica Dominicana mes cual ta un parti di su origen pero tambe presentacionnan grandi na Hulanda y New York.
Aparte di su presentacionnan magistral y su voz unico y poderoso, Lili a sa di presenta cu hopi otro artista grandi manera John Secada, Druhill y varios artista y concierto manera Carribean Sea Jazz, y Soul Beach Festival na Aruba.
Pa medio di su presentacionan fabuloso pa varios aña, Lili a acapara atencion internacional y di biaha e nominacion pa e premio cu fin di e luna aki Lili lo ta na Panama mey mey di hopi artista grandi pa haya su premio.
Pa Aruba esaki lo ta algo grandi un artista manera Lili di taya y caliber lo ta deslumbrando Panama y lo ta riba Red Carpet cu cobertura local di Panama como tambe internacional.
Mas cu claro cu esaki ta hiba cun’e hopi preparacion y dos single cu Lili a graba tambe cu lo ta parti di su prome album dentro di poco cu lo keda lansa den e siguiente lunanan.
Aruba completo por ta orguyoso di nos artista y talento cu for di chikito a sa di demostra su amor pa musical y na aña 2006 a keda na di dos luga den competencia di Sparkling Tour.
Di a aña ey caba hopi banda local grandi a busca Lili Rodgers pa forma parti di nan agrupacion.
Lili atrabes di aña a sa di duna hopi presentación local y internacional cu a yuda haya hopi experiencia.
Awendia Lili Rodgers ta compositor y cantante cu ta bin ta prepara su produccionnan cu pronto lo ser lansa.
Danki na tur su logro y esfuersonan, awe Lili Rodgers ta hiba e bandera di Aruba y Republica Dominicana cun’e pa ricibi un premio asina grandi y di caliber cu lo halsa nos ey’fo.
E premionan aki ta distingui e artista cu ta demostra su excelencia den presentacion den su talento y ta reconoce e artista cu ta destaca na nivel internacional.
Aruba por ta hopi orguyoso di Lili Rodgers cu dentro y poco ta rumbo pa Panama realisando un di su soñonan cu el a traha hopi duro p’e durante hopi aña.
Aruba lo ta pendiente di e presentacionnan di Lili na Panama caminda e lo haci nos mas orguyoso di dje.
Exito, Lili Rodgers cu e logro grandi aki y pronto Lili lo comparti e momentonan inolvidabel aki na Panama.