Sra. Lila de Cuba ta un Arubiano di bon curason cu tin su compania di carga na Miami, Florida y ta sostene Brazil Taekwondo Stichting pa di 9 aña consecutivo caba cu e Aruba Caribbean Cargo/Arumia Logistics Taekwondo Cup.
Aruba Caribbean Cargo ta un compania estableci na Miami y cu ta kere den e desaroyo di Deporte aki na Aruba. Lila de Cuba su wowonan a cay ariba Brazil Taekwondo Stichting for di 9 aña pasa caba y su deseo a bira realidad, dunando algo chikito bek na e deporte di Taekwondo aki na Aruba for di Miami. Aruba Caribbean Cargo ta situa na Doral 1692 NW 82 Ave y semper por tuma contacto cu Lila de Cuba na +1-305-591-2772. Un dama cu semper tin su mannan habri pa yuda deporte, den e caso aki ta e team di Train Hard Fight Smart di Brazil Taekwondo Stichting. Brazil Taekwondo Stichting ta hopi gradicido na sra. Lila de Cuba pa su apoyo na nos atletanan di Aruba.
E di 9 Aruba Caribbean Cargo/Arumia Logistics Taekwondo Cup ta diasabra dia 11 di September 2016 y lo bay ta e ultimo clasificacion pa e Best of the Best Taekwondo Cup 2016.