Aruba Softball Bond trahando duro pa cu preparacion di Seleccion Masculino cu lo ta biahando e siman aki 1 pa 10 di Juni pa Monteria, Colombia pa un campeonato oficial di CONSUSRA unda un total di 11 pais lo bay ta competiendo. Como parti di e preparacion aki a organisa 1 luna di un campeonato pre competitivo cu 4 ekipo miembro di ASB y e Seleccion Masculino como e di 5 ekipo. A importa pitchernan internacional kendenan constantemente ta lansa pa equiponan cu ta enfrenta Seleccion Masculino. Mester remarca cu e pithcernan ta di un calidad hopi halto y Seleccion ta batayando formalmente contra nan. Nos otro atletanan cu no ta den seleccion tambe a ricibi multiple turnonan oficial contra e pitchernan aki y asina desaroya tambe nan nivel. Dialuna 28 di Mei cuminsando pa 715pm na veld na Pos Chiquito Seleccion lo enfrenta Balashi Premuim den dos encuentro hopi interesante. Diahuebs 31 di Mei na veld di Flatstone Liga Especial lo termina momento cu Seleccion lo hunga su ultimo wega preparando pa biaha diasabra. Riba e dia aki, 2 di Juni pa 1pm Aruba lo enfrenta Cuba den salida y mesun dia pa 630pm Aruba lo hunga contra Colombia. Pues dos wega duro riba prome dia di competencia. Aruba ta bon prepara y ban spera cu e atletanan por duna tur di nan banda pa asina por logra bataya den e grandi nan riba un nivel hopi halto.