Liga Especial ta inicia diahuebs anochi pa 715pm riba veld di Flatstone. Pitchernan Internacional a yega Aruba unda cada equipo local lo ricibi un pitcher pa asina hunga un campeonato di un luna contra otro. Diahuebs anochi ta riba schedule e Selecion di Aruba den preparacion kende lo enfrenta Macuarima Indians. Schedule oficial lo sali diasabra awo. Nos atletanan ta wordo brinda un oportunidad pa hunga un softball riba un nivel hopi halto topando pitchernan di selecion di Venezuela. E modelo aki tanto Venezuela, Colombia y diferente pais rond mundo a usa pa asina desaroya nan softball pa un nivel competitivo den corto tempo. Eudomar Toyo, Andres Antillo, Jesus Becerra y Ronny Jones ( ruman di Ramon Jones) ta entre esnan cu lo bay ta na Aruba pa reforsa nos ekiponan local pa hunga contra seleccion nacional den pleno preparacion. Diahuebs awo pa 7:15pm na Flatstone un double header Selecion Aruba vs Macuarima mientras Dialuna 7:15pm weganan lo continua. Publico ta keda cordialmente invita. Ban apoya nos deporte di softball.