E actual preso politico mas reconoci na su pais pero tambe America latina, Dr. Leopoldo Lopez lider y fundador di e partido politico venezolano Voluntad Popular a wordo nomina pa e premio Nobel di Paz cu lo wordo anuncia e proximo dia 10 di December na ciudad di Oslo.
A ser conoci cu e postulacion aki a presenta pa un parlamentario noruego di 27 aña di nomber Grunde Almeland, ken a basa riba e argumento cu Dr. Lopez ta un fuente di inspiracion pa e intensa lucha pa reestablece e democracia na su pais. Cu esaki e lider politico a logra e privilegio cu por opta pa e importante reconocemento aki.
Victima di e regimen de Nicolas Maduro y cataloga como e preso politico mas representativo di e democracia, ken a wordo condena pa e regimen Castro-Chavista cu 14 aña di prizon despues cu a wordo acusa di vinculo cu e sucesonan violento na Caracas dia 14 di Februari di 2014 cu e inicio di e cadena di protestanan den contra di gobierno, anto a keda cera pa 3 aña na carcel di Ramo Verde bou circunstancianan inhumano.
Den e mesun linea e parlamentario Almeland a señala e gobierno di Maduro como arbitrario y cu a persigui, aresta y criminaliza na un lider clave di oposicion. Como diputado noruego Almeland ta autorisa di postula cualkier ciudadano cu lo wordo considera, pero den todo caso e ultimo decision ta bin di parti di e comite organizador cu mester traha un lista cu e finalistanan y haci un proceso di votacion.
Fuente: El Nacional.com