MADRID, Spaña – Polis Frances a detene, den colaboracion cu Guardia Civil Spaño, e lider di e organisacion terorista Vasco ETA, Mikel Irastorza, fuentenan di e lucha antiterorista a bisa.
Irastorza a substitui na 2015 den e cupula di e banda terorista David Pla y Iratxe Sorzabal, EFE a splica.
Cu e operacion aki, cu a tuma luga na Ascain (den e Pirineonan Atlantico) zuid di Francia, ETA ta keda descabesa cu apenas cinco miembro libera tras di e sucesivo golpinan duna pa e forsanan di siguridad cu a bay ta laganso sin capacidad operativo, segun fuentenan.
Uno di e ultimo operacionnan contra e organisacion terorista tabata e reciente hayasgo na Francia di un cargacion cu 145 arma cu Guardia Civil Spaño ta considera cu cu tabata pertenece na e banda.
Tras e detencion di Pla y Sorzabal forsanan di siguridad a considera cu Mikel Irastorza lo a tuma encargo di e organisacion.
Ta trata di un operacion contra e structura di e direccion di ETA caminda cu a detene Mikel Irastorza den interior di un vivienda di e localidad Frances aki, caminda cu den actualidad, lo ta ocupa e mas halto responsabilidadnan dentro di e organisacion terorista, segun Ministerio di Interior ta informa.
Fuente: El Universal