Diasabra Papa Fransisco a ricibi e presidente Palestino den un audiencia priva na Vaticano, kende a inaugura un embahada Palestino na e Santa Sede.
E legislacion Palestino ta situa den un edificio net dilanti di Vaticano, cu ya caba tin embahadanan di Peru y Burkina Faso.
El a dirigi su mes brevemente na periodistanan, y el a reitera su oposicion na e traslado di e embahada Mericano na Israel for di Tel Aviv pa Jeruzalem.
Presidente electo Mericano, Donald Trump a priminti den su campaña cu e lo reconoce Jeruzalem como e capital di Israel y lo move e embahada Mericano pa Tel Aviv. Esaki lo kibra cu e politica tradicional historico di Merca, cu ta coincidi cu gran mayoria di e comunidad Israeli. Esakinan ta di opinion cu e status di Jeruzalem, cu tambe ta wordo reindivica pa e Palestinonan como nan capital, lo mester wordo fiha pa medio di negocacion.
Den un comunicado publica, Abas a afirma di lo duna Presidente electo Mericano Trump pa coopera pa logra pas, basa riba e legislacion internacional.
Abas a manda su felicitacion pa e papel cu Presidente Frances Hollande y tambe su gobierno ta haciendo den e organisacion di e conferencia internacional cu lo reuni diadomingo na Paris. E E reunion aki cu lo conta cu presencia di 70 pais ta pa discuti diferente formanan pa yega na un pas duradero den Medio Oriente.
Abas y Papa Fransisco a reuni durante 20 minuut.
Durante un intercambio di regalo, Mahmud Abas a ofrece na Papa Fransisco un piedra di e Iglesia di Santo Sepulcro na Jeruzalem, segun Greg Burke, director di e gabinete di prensa di Santa Sede.
Di su banda, den un comunicado, Vaticano a expresa su speransa di cu e negociacionnan directo entre e dos partidonan lo por wordo reanuda pa pone un fin na violencia cu ta causa un sufrimento inaceptabel den e poblacion civil y pa yega na un solucion husto y duradero.