Lider di e Forsa Nobo ta haci denuncia contra e minister cu ta cana regala tereno rond cerca hendenan cu ta hopi conoci den comunidad segun Otmar Oduber.
E denuncia aki tabata uno publico. E ex mandatario a splica cu awe tabata D-day. Awe tabata e dia cu ta mustra entre otro riba cosnan cu a tuma luga cu cierto momento el a pidi atencion riba cierto documentonan, y no a haya esaki di prome minister Eman. A scucha e prome minister cu den e caso di e ex colega di dje, e minister actual di labor, kende for di mas cu un aña pasa, a alerta e minister riba e sucedidonan, riba cosnan cu ta tumando luga. Y tabata tin hopi mas cos cu e prome minister a wordo alerta riba dje.
E partido ta ricibiendo tur e dianan aki y awe Oduber ta compronde dicon su persona specifico, pa un aña caba, no por wordo pasa ningun entrevista di dje na Canal 90, cu manera ta conoci, for di Maart aña pasa no ta permiti y tin un censura completamente riba su persona. Ora cu a cuminsa ricibi documentonan desde mas of menos 1 luna pasa y cu ta bay percura pa poco poco cada un di nan sali. Pasobra ta na canal 90, ta caminda a scucha un periodista bista, cu for di un aña pasa, cu e ta bay bin cu prueba contra di su persona.
POR ta un partido y ta politiconan cu ta para pa integridad. Ora cu sali y condena cosnan ta pasobra mester di e transparencia pa pueblo sa di e bagamunderianan cu ta tuma luga na e radio emisora aki, caminda cu bo ta haya un periodista ta encubridoor di censura politiconan cu ta critica, pasobra esey tabata e problema for di aña pasa caba. Poco poco ta sigura comunidad di Aruba, cu banda di tin un partido aki cu ta bay tin un programa progresista, un programa di partido na bentaha di e comunidad di Aruba, ta bay percura tame pa e tipo di cosnan aki conoce luz di dia.
A mira un gran cantidad di documento riba terenonan cu a wordo otorga. Negoshi cu tereno di pueblo cu ta tuma luga den nos comunidad akinan. E tabata tin den su poder un documento caminda cu riba 10 di Maart di 2014, un documento ta drenta na oficina di minister Sevinger y riba e mesun di 10 di Maart eynan, no sa si ta prome cu a stempel’e of ta despues cu a stempel el a drenta oficina, ya caba minister Sevinger ta pone riba dje direct pa DIP, akkoord conform, gaarne uw medewerking, caminda cu ta pidi pa un tereno na Sasakiweg, pa por desaroya un proyecto di Horeca.
10 di Maart, 2014, e documento ta drenta cerca minister y e mesun 10 di Maart ta haya un aprobacion. DIIP no a wak’e. E minister no sa si e minister ta disponibel of no, pero di biaha ta dicidi di dal su firma, dal su stempel, manda cos pa DIP y bisanan pa dal bay. E ora tin cu compronde dicon cosnan mester sosode lihe asina aki. Por ta hasta e firma a bin prome y e stempel a bin despues di un rato.
Ora cu a wak di ken e ta, ta resulta cu riba 22 di Januari 2014, prome cu e fecha di 10 di Maart y ta pesey tabata tin e pura, ta mira cu a traspasa un NV, cu a wordo lanta e aña anterior, pa Maria Leoncita Arends, caminda cu e compania aki, e NV aki, tin 100 accion, di cual cada un tin un nominale waarde di 100 florin. Compania bashi, un NV cu no tin nada registra riba su nomber. No tin ningun lessenaar, pasobra den e caso aki, e ta hasta poni riba adres di e cas di Maria Leoncita Arends. E mesun persona cu na canal 90, durante e ultimo 14 luna pa 15 luna tur diasabra ta scuch’e ta ataca Otmar Oduber, ta scucha henter e periodistanan cu ta traha eynan. POR lo bin cu mas prueba, pasobra ta keda rete. E no kier bin cu prueba. POR a mustra con negoshi cu tereno di pueblo ta wordo haci, Oduber a splica.