Relaciona cu rumornan cu ta coriendo rond, relaciona cu e formacion di gobierno, lider di partido MEP, Sra. Evelyne Wever- Croes ta desmenti rumornan aki. E ta enfatisa cu e proceso di formacion ta canando su caminda den tur trankilidad. Sra. Wever- Croes ta sigui bisa cu e ta un proceso largo y cu ta tuma su tempo pa por logra un bon gobierno pa Aruba.
Oponentenan politico ta purba na stroba e proceso aki, partiendo rumornan falso rond, pero Sra. Wever- Croes ta haci un apelacion pa no haci caso di e rumornan aki. Gobernador a nombra Sr. Fredis Refunjol como Informador y e proceso tin cu cana su caminda. Aworaki e prioridad ta pa mehora e calidad di bida di cada ciudadando. Esey lo logra cu union y positivismo!
Por ultimo, lider di MEP ta gradici un y tur cu a brinda y ta sigui brinda nan sosten na su persona y na partido MEP.