NEW YORK, Merca- E manifestante a subi e estatua despues di cu’n grupo di activista a desplega un spandoek unda cu e ta exigi di elimina polis di Inmigracion y Aduana.
Liberty Island, na New York, Merca a wordo evacua dia 4 di juli (Dia di Independencia). Esaki despues di cu’n manifestante a purba di subi e famoso estatua cu ta hiba su nomber, segun NBC News. E medio a publica tambe videonan riba su cuenta di Twitter, cu ta mustra con e agentenan policial a convence pa baha. Despues a logra convence e muhe pa baha, despues di casi cuater hora cu el a keda ariba.
Segun e medio, e manifestante a subi e Statue of Liberty despues di cu’n grupo di activista di e Organisacion Rise and Resist NYC a desplega un un spandoek cu e palabra nan “Abolish I.C.E.”. Aunke cu e grupo a bisa cu e muhe en custion no ta pertenece na nan grupo, un integrante di ‘Rise and Resist NYC’, Annette Guadino, a contradeci e anuncio aki y a afirma cu e manifestante ta pertenece na su grupo.
Ta wordo raporta cu shete persona a wordo deteni diaranson den cuadro di un protesta contra ICE.