Algun siman pasa den Parlamento a pasa leynan laboral nobo pa cual aki a puntra Rudy Geerman di FTA con nan mes ta wak e leynan aki y kico mas lo tin cu bin pa e trahador. E ta kere cu e leynan aki ta bon y tabata bon cu a inclui tur hende den e proceso pa yega na e ley. Geerman ta kere cu e cambio tabata bon ya cu e leynan tabata hopi anticua. No ta riba tur e leynan nan tabata di acuerdo, pero a hala un liña y na final di dia e tabata un escoho positivo. Nan ta kere cu e minimum loon mester tene cuenta cu comision tambe pero awor tin trahadornan cu tin 0 florin di salario basico y ta biba di comision so y esaki ta algo cu mester bai traha riba dje. Mescos ta conta e asunto si service charge y tips cual na e momentonan aki ainda no ta ful regla. E cambionan den orario si tabata un bon desicion, specialmente manteniendo e salario.

Pa loke ta e pensioen, Rudy Geerman ta kere cu pa e trahador acumula un pensioen cu e % cu tin awor, e lo yega edad di pensioen sin tin suficiente placa pa biba. Asina mes Rudy Geerman ta kere cu en general e trahadornan abai dilanti cu e cambionan aki. Ta spera si cu den futuro lo sigui traha riba e puntonan cu ainda no ta ful bon regla.