ST. LOUIS, Missouri – E leyenda di rock ‘n roll, Chuck Berry a fayece diasabra, na edad di 90 aña, polis di Misouri a informa.
“E Departamento di Polis di e Condado di St. Charles a confirma cu tristesa e morto di Charles Edward Anderson Berry sr., miho conoci como e legendario musico, Chuck Berry,” e Departamento a bisa riba Facebook.
Polis a acudi na un yamada di emergencia medico na un cas den e localidad di e parti oost di estado di Missouri, cerca di e ciudad di Saint Louis.
Socoristanan a haya den e cas un homber inconciente y no tabata por a reanim’e, polis a señala.
Berry, guitarista y cantante, ta conoci pa e exitonan manera “Roll over Beethoven” y “Sweet Little Sixteen”, durante e decadanan di 50 y 60 y tabata un di e pioneronan di rock ‘n roll.
Chuck Beryr a yuda na defini e cultura popular di e decada di 50 y e futuro di e musica combinando Rhytm & Blus, e guitara country y un sentido di espectaculo unico riba escenario.
Su exito di 1958, “Johnny B. Goode” ta sigui ta un di e cancionnan mas reconocibel di e musica popular, incluso a wordo selecciona pa ta un di e cancionnan representativo di rock manda na 1088 den e nave espacial Voyager na posibel extraterestrenan.
Dia 18 di Octrober, na momento di cumpli su 90 aña, el a haci un anuncio sorpresivo di e lansamento di su prome album den 38 aña.
E album, titula solamente “Chuck”, a wordo graba den un estudio cerca di Saint Louis, su ciudad natal y mester a sali den transcurso di e aña aki.
Berry, considera un di e miho guitaristanan den tur tempo, a dedica e disco na su casa, Themetta Berry, cu kende el a biba durante e ultimo 68 añanan.
“Dushi, mi ta birando bieu! Mi a traha durante hopi tempo riba e disco aki. Awo ta momento pa benta e serbete den ring,” e cantante a bisa e tempo ey den un comunicado.
Berry a graba e album nobo cu loke tabata su banda durante dos decada di presentacion den e Blueberry Club na Saint Louis y caminda cu su yiu homber, Charles Berry Jr. ta toca e guitara.
Chuck Berry tabata parti di e prome grupo di cantante den drenta den e Salon di Fama di Rock and Roll di Cleveland (Ohio) durante su apertura na 1986.
Fuente: NTN24