Diadomingo Minister di Husticia, mr. Andin Bikker, a yama un conferencia di prensa cu caracter di urgencia, tocante e hecho cu dos pedofiel a sali prome cu tempo, door cu KIA lo ta yen.
MINISTER
E mandatario a cuminsa na bisa cu el a instrui, pa evalua, retracta e berdad profesion di esunnan cu a comete actonan inmoral. Den ultimo dianan tabata hopi den noticia, caminda cu lo a laga dos pedofiel bay cas prome cu tempo. Esaki despues cu nan a sinta ⅔ parti di nan castigo. E decision aki no a cay den bon tera cerce minister di Husticia, cu no tabata nada contento cu minister publico a actua recientemente sin pon’e na altura cu e maneho a cambia na 2014, ora cu e ley a wordo cambia e tempo ey pa laga tur hende den libertad provisional. Es decir, basa ariba artikel 37, un preso por bay cas poco prome, sin tene cuenta cual delito el a comete!
Pa evita casonan asina den futuro, diadomingo mainta e mandatario a firma un decreto, unda cu e ta traspasa a base di artikel 32 di nos Codigo Penal, e poder pe Centraal College di Reclassering, prome cu un persona recobra su libertad. Pa loke ta e personanan cu a haya nan libertad ( e dos pedofiel), ta bay wak si por haci algo ainda pa ainda purba ‘revoca’ e desicion y e maneho y asina pone cu nan por sinta nan castigo completo.
OM
Den e conferencia di prensa tambe tabata t’ey presente, PG interino Frans Deutekom cu acepta nan responsabilidad pa nan fayo. E fayo tabata cu nan a laga un pedofiel den libertad prome cu esaki a completa su condena di prison. Legalmente a laga e pedofiel liber, pero e fayo ta cu a cambia e maneho sin avisa minister, cu a pone cu e mandatario a firma e acuerdo sin sa. Si tabata sa cu tabata trata di un pedofiel, por a haci algo otro y evita e libertad ‘prome cu tempo’.
KIA
Ora KIA ta bira sobrepopula, esey ta factornan externo. Na final di dia ta haya un lista, basa ariba conseho di Ministerio Publico, unda cu e maneho mester ta cu personanan cu comete actonan inmoral, no ta bin na remarca pa libertad provisional.
Segun Minister Bikker, tin un “ommisie” den e ley aki, cual kemen cu a lubida di pone den e ley e condicionnan pa cual un preso por bay liber poco anticipa, manera entre otro cual te delitonan cu e no por bay liber anticipa. Aparte di e ley, a bini cu un maneho, cu ta regula toch e libertad, condiciona na e delito cu a wordo cometi.