Ley di Ombudsman a aproba e ley e ombudsman, y esaki mester cana su caminda. Sinembargo tin un parti di e ley cu ta toca constitucion di Aruba. Y e parti aki ta e parti cu Parlamento no a manda pa gobierno pa e feedback. Presidente di Parlamento, Sra. Mervin Wyatt- Ras ta splica.
E ta un cambio drastico pa trece cambio den constitucion y esey tin Parlamento un tiki den espera. Sra. Mervin Wyatt Ras ta splica cu si esunnan cu a traha ariba e ley aki, tabata kier pa e ley a pasa, nan lo mester a pusha mas pa e ley pasa.
Ta facil pa punta dede y critica mientras cu e otro partido tambe tabata eynan. Den e caso akinan, manera cu a bay e trayecto caba cu gobierno a duna feedback, lo mester tene cuenta cun’e. Y pa despues pa sigui e trayecto, paso lo bin cambio den constitucion y mester ta cauteloso, manera cu por a compronde for di diferente miembronan di Parlamento.
Ley di Ombudsman ta hopi bon y tur hende ta para su tras, pero ta wardando riba e cambionan cu mester wordo haci ainda. Ta di spera cu e ley aki por keda cla mas pronto posibel. Kisas mester bin cierto cambionan den locual a wordo propone, y kisas e ta hopi drastico , pero esey lo mester wordo trata den Parlamento asina cu e ley aki keda cla, pa e wordo aproba finalmente den un reunion publico.
Tur parlamentario ta di acuerdo cu mester bin un ombudsman na Aruba. Segun splicacionnan, un ombudsman ta zona manera control excesivo, pero p.e. na Hulanda, el a keda introduci pero e ta haci e trabao di intermediario. E ta un persona cu ta cana e caminda pa asina intermedia pa e cliente haya un bon trato, e ciudadando haya un bon trato. Y sin tin algo, na Hulanda mes e ta intermedia e ora cu e profesional e ora pa duna e servicio. No ta asina cu e ta un hende cu ta bay “tik op de vingers” asina no mas.
Parlamento kier pa ora un hende bin cu un situacion e por wordo yuda den e molina di gobierno. Y tambe e kinderombudsman, cu lo sali na defensa di e mucha. Paso esey tambe ta algo cu na hopi ocasion a bin dilanti, y e ta hopi importante pa bin cun’e.