Directiva di Centro di Bario Playa Pabao ta anuncia cu diamars 10 di januari ta continua cu lesnan di baile den nan Centro pa muchanan di scolnan basico y hubentud. Lo cobra e suma di 10 florin pa luna y e orario di e lesnan ta 2.30’or pm pa 3.30’or pm pa muchanan di 1ste, 2de y 3de klas mientras 3.30’or pm pa 4’.30’or pm muchanan di 4de, 5de y 6de klas y pa muchanan di scolnan basico. Instructor ta Alexei Espinoza cu ta un persona cu tin hopi experencia den e ramo di e bailenan di “Hip Hop y Break Dance.
Inscripcion ta tuma luga tur dia na Centro di Bario Playa Pabao, mainta di 8’or pa 12’or y traimerdia di 2’or pa 6’or. Pa mas informacion por yama telefon 583-7775 y puntra pa Sra. Clarissa durante e orario ya menciona. Meta di e lesnan ta pa e hobennan participa den e programanan cultural y otro actividad cu ta wordo organisa den nos Centro. Si tin hoben cu ta bishita EPB, EPI, MAVO of Colegio Arubano tambe ta bon bini. Directiva di Centro di Bario Playa Pabao ta haci un invitacion na mayornan di Playa Pabao y di Aruba en general pa hasi bon uso di e oportunidad aki y mayornan laga boso yiu(nan) participa na e lesnan di baile. Cuponan ta limita.