Directiva di Cento di Bario Playa Pabao ta participa na e bario di Playa Pabao y Aruba en general cu lo cuminsa cu lesnan di baile Salsa den nan Centro. E prome les ta tuma luga diamars 7 di Maart y ta cuminsa pa 7’or pm y ta termina 8’or pm. Mester menciona cu diamars 1 di Maart lo tin un les cu lo ta completamente gratis. E orario ta keda mescos pues di 7’or pm pa 8’or pm. E anochi aki tambe lo tin oportunidad pa inscribi. Lo cobra e suma di 60 florin pa luna. Inscripcion ta tuma luga na Centro di Bario Playa Pabao, mainta di 8’or pa 12’or y tray merdia di 3’or pa 6’or. Mester menciona cu e cuponan ta limita. Lesnan ta wordo duna door di Jayson Kock.
Kende ta Jayson Kock
Jayson a nace na Aruba 12 Maart di aña 1983. Su experiencia den baile ta como lo siguiente: na final di 1997 Jayson a baila cu e grupo di ballet Folclorico Nacional. E bailenan cu a wordo baila ta wals, bailenan folclorico di Mexico, Cumbia y Tambu. Na 1998, na edad di 18 aña, el a cuminsa baila salsa na e scol di baile Pachanga. Cu e grupo di baile “Pachangueros” el a baile como “back-up” pa Chichi Peralta. Na fin di 2003 Jayson a biba pa 3 luna na Cuba. Eynan el a siña e bailenan Guaguanco basico y Afro Cuban basico. Na final di 2005 Jayson tabata docente invita na e scol di baile Northwest na Lancashire Preston, UK. Eynan el a duna les di Cuban Salsa, LA style y Puerto Rican style como docente. Su Specialidad ta un “mix” di e 3 stilonan aki. Otro luganan cu Jayson a duna les di salsa y bachata of a traha como DJ ta: Manchaster City Center (Monty’s gym, Aquatic Center, Restaurant Copacabana, La Tasca), Backpool (salsa workshop y salsa show) Leeds ( bar/pub Manchaster University), Lancashire, Essex y Bolton. Na Aruba Jayson a duna show y “workshop” di salsa na difirente hotel entre otro Marriott, Divi All Inclusive, La Cabana y Costa Linda.
Tambe Jayson a participa na diferente competencia di salsa entre otro na aña 2003 el a participa na e competencia di Cuba’s Salsa y el a termina na di dos luga. Na 2005 el a participa na e competencia nacional di salsa y a termina na di prome lugar. Den e mesun aña Jayson a prticipa na e Competencia Mundial di Salsa organisa door di IDO (International Dance Organization) y aki ela termina na di 6 lugar. Na 2006 Jayson a participa na e competencia Nacional di Salsa na UK y a termina na di dos luga. Na 2007 el a participa na Competencia Mundial di Bachata organis na Swisa y el a termina na di siete luga. Di 2007 te awe e ta duna les priva di bachata y “workshop” na diferente hotel y como reemplasante na Pachanga. Cu hopi entusiasmo Jayson ta cuminsa duna les na Centro di Bario Playa Pabao y e ta sigur di por siña esnan tur participa e baile di salsa.