KAAPSTAD, Surafrica- Varios leon di un reservoir noordoost di Surafrica a devora un homber sospecha di ta un cazador ilegal, según un vocero policial a declara na AFP.
E cabes y e restonan di e victima a wordo haya den un reserva priva di Hoedspruit, cerca di e famoso parke nacional Kruger, e fuenta a bisa.
“Según parce e tabata cazando ilegalmente, ora cu el a wordo ataca pa un grupo di leon cu a com’e. Nan a laga solamente e cabes y algun pida carni”, e vocero policial Moatshe Ngoepe a indica.
Cerca di loke a resta di e cadaver di e homber tabata tin un fusil pa jaag, e vocer a sigui bisa.
Na 2017, den varios di e reservanan natural a bin haya cadaver di leonnan decapita y mutila, uza den medicina tradicional.
E principal victima di jaagmento ilegal na Surafrica ta e neushoorn. E hoorn ta algo masha codicia na Asia.
Durante 2017 a jaag ariba mas di un miljard di neushoorn ilegalmente, según estadisticanan di autoridadnan surafricano.
Fuente: https://www.afp.com/