BELFAST, Irlanda- Noticianan internacional tur tabata papia di e ascenso di Leo Varadkas na e cima di mundo politico di Irlanda.
Tur ta focus ariba e hecho cu Republica di Irlanda lo tin un Prome Minister, mita Indio, y tambe abiertamente homosexual.
Varadkar a bin pa simbolisa e liberacion di un pais cu un tempo tabata un di esunnan mas conservativo den Europa.
Pero na Irlanda, e sexualidad y background etnico di Varadkar no tabata particularmente prominente.
El a gana e careda pa e liderasgo di Fine Gael, e partido mas grandi e pais goberna pa un coalicion. Esaki kiermen cu e ta en linea pa tuma e posesion como taoiseach (Prome Minister Irlandes), den e proximo simannan.
E bataya pa e liderasgo a focus primeramente ariba cuestionnan socio- economico y e desafionan pa Varadkar aworaki lo ta traha ariba e recuperacion di Irlanda for di e disaster financiero di e ultimo añanan y con pa trata e asunto di Brexit.
Leo Varadkar, naci na 1979 na Dublin, y ta bin di un tata Indio y un mama Irlandes. E pais unda cu Varadkar a crece ta diferente di loke e ta awendia. Te cu 1990 divorcio y homesexualidad tabata prohibi.
Tabata tin poco inmigrante y e Republica di Irlanda tabata un di e paisnan mas pober di Union Europeo.
Leo Varadkar tin un perspectiva internacional: e ta reconoce su mes den e President Frances Emmanuel Macron of e Prome Minister Canades Justin Trudeau, un persona hoben, dinamico y centralista.
Su marca politico a hib’e hopi leu, pero su pruebanan di mas duro ainda mester bini.
Fuente: www.bbc.com