Na Hilton Aruba Resort a tuma luga conferencia di Prensa di e “Teacher’s Appreciation Conference” cu lo tuma luga diasabra awor na Hilton Aruba Resort. Dos fundacion a uni cu otro, den e caso aki JSC Foundation y Fundacion Aruba Uni y a dicidi di haci un encuesta bou di maestronan akinan na Aruba. Kier gradici e compania cu a wordo envolvi den esaki esta MGM cu a yuda den e proceso pa por haya sa y studia bou di nos maestro y hobennan studiantenan, kico ta e necesidad y aspectonan cu ta mira como “weaknesses” y “strengths” cu tin den e oportunidadnan di scolnan aki na Aruba. Unda cu kier mira cambio den futuro of cu kier mira adapta y/of mehora.
Durante e conferencia lo duna presentacion di e resultadonan di e encuesta cu a wordo haci pa cual MGM mes lo ta esun responsabel pa presenta esaki. Despues sr. Larry Bell lo hiba palabra y despues lo tin oportunidad pa intercambia idea tambe cu sr. Bell.
Sr. Larry Bell: ‘Maestronan aki na Aruba ta haciendo un tremendo trabou y mi ta contento cu mi lo tin e oportunidad diasabra pa comparti algun informacion cu lo yuda e studiantenan yega e siguiente nivel. Mi lo comparti informacion di con por crea un “classroom culture” cu ta causa studiantenan pa tin e gana pa bin bo les y disfruta bo les mientras cu ta mantene e integridad academico. Tambe kier comparti algun tips y informacion di con ta motiva studiantenan cu falta inspiracion. Mi ta hopi contento cu Aruba ta buscando manera pa percura cu cada studiante yega nan potencial maximo.’
Finalmente sra. Joselin Croes kier a invita tur maestro y educador di tur nivel y di tur ramo, (pues no necesariamente di scol) pa ta presente na e conferencia. “Larry Bell ta un di e miho motivational speakers cu tin actualmente pa educadornan.” E conferencia ta cuminsa exactamente 9or y ta cuminsa registracion 8or y mey. Resultado di e encuesta ta inclui contesta di cuanto rato bo yiu ta pasa riba internet, kico bo yiu ta haya leuk na scol, unda e kier wak cambio, cua ta e idioma cu e kier haya les aden, kico ta problemanan social cu e muchanan ta enfrentando entre otro. Pa loke ta e parti di e maestronan, 25 maestro a traha riba e encuesta pa cual mi ta enormemente agradecido. Nan a traha e survey aki cu ta di nan pa nan (mucho mas maestro a participa den e encuesta). E conferencia ta gratis y pues ta spera educadornan y intersadonan pa yega tempran y forma parti di e conferencia.