Dialuna pasa di 4 or marduga un lancha biniendo for di zuid a yega nos costanan pabou di Bushiri pa Manchebo . Basta persona a bula den lama y asina logra subi tera y huy, ta via radar kustwacht a logra capta e movecion aki y a mobilisa pa wak kico tin di berdad. Y ta logra intercepta e boto cu tres persona aden y a informanan cu nan a baha por lo menos 20 persona. Manera e persona den e boto a informa personal di kustwacht nan a informa e polisnan cu ta controla e costa pa mobilisa den area di Bushiri, Manchebo wak kico por a topa. Hunto cu Polisnan riba caya a tene un buskeda den e area pero sin resultado.